公主港人口約 20萬，是巴拉望島內最大的城市。
講起今次行程其實安排得不太理想，原因係太趕住 Book $0.-機票，所以 Book 了 13-18日的機票，唔夠時間去 愛尼島 (El Nido)，下次一定要去。
由於上次的經驗，今次在香港換了部份Peso，再帶US$去，旅程受惠於US$ 匯價返彈，個 Rate 由出發前的 HK$1.-/Peso 6.-，升到 HK$1.-/Peso 6.35 (US$ 找換價。)。
飛機10:25到達 'Manila'。
到了 'Manila' ，'Cebu Pacific' 的國際線同國內線都係 Terminal 3，到達後出接機處再轉左坐 Lift 上3/F，就可以辦國內線的 Check-In 手續，非常方便，即刻排隊 Check-In 15:50PM 的 5J639。
辦完 Check-In 手續，就行去上機的方向買機場稅，機場稅每人P200。
於 Arrival 層有 D '黃色' 的士，車新D，但貴約一倍。
行了一個多鐘，就入呢間表面好似蛋糕店，但其實有 Set Lunch！大部份 Set 都有跟蛋糕，味道唔錯；價錢約P140-P180.-，包蛋糕、主菜同飲品。
酒店內的陳設多以木和蓆為主。
11月13-15日住兩晚，每晚 P1350的 Deluxe Room，包早餐，房都幾大，不過隔音好差，晚上都幾 '糟'。
去呢間餐廳的原因是有好多網友推介，環境 OK，食物唔得。
今餐共 1892P (6個人)，Grill Tuna P150，燒豬手 P320... 
2008年11月14日，Day 2： 今日去會去 Honda Bay, Plan 了去 Starfish Island, Snack Island 同 Panden Island。無跟 Local Tour，自已包車去，Van 仔 P1500，車程約 30分鐘。之前網友話街市買海鮮平，出海食物不好，又貴，所以出發前先去街市，公主港約有 20萬人住，但公主港市區其實好細，圖中的街市後面就係 Rizal Avenue，不過街上好多 Taxical (三輪車)，空氣唔多好。由我們入住的酒店步行10分鐘就到當地人的市場。
直入濕貨區。
我們的午餐，兩條魚各 P80 同 P81(吞那魚Baby & 東星 Daddy) 。
船費表及入島費用，另每人要收共 P5 的碼頭費。
我們坐的船--P1500P包去 Starfish、Snack 同 Panden Island 其實 D船好似機場的士，一隻一隻排隊，有客上左船就開船。
到 Starfish Island，但要比入島費 P50/人。
成個海都係 海星！
食完午飯，坐約15分鐘船程就到 Panden Island，呢個島免入島費。
於沙灘見倒先前在 Starfish Iskand 見倒的 '澳洲' 學生妹同佢個 菲律賓' 男友，因為我地之前教過佢地路，今次佢地就回報返我地，叫佢個船家帶我地出去海中心，離岸邊約70-80m，沿途有好多唔同種魚類，亦有海膽同海星。
呢條係兩間白色(好似叫 '新娘')。
個海好似大魚缸。
見唔見倒船家隻右腳，有—塊好似乒乓球板物體，就係船家游泳的推進器，佢而家其實游落個海渡幫我地引 '毛仔' 出黎！
呢D藍色魚仔都好靚，總結三個島，免費的 Panden Island 是最好玩，收P50 的Starfish Island 就一般。
晚上本來想到 Kalui Rest. 食晚飯，不過去到因為無訂位，要等30-40分鐘；所以去右手邊間 The Lotus Garden 食晚餐。
因為有朋友生日，所以有蠟燭(仲極吹唔息火)。
今餐共 P2300 (沒有叫套餐)，品物有水準good
大眼雞P40/條，串燒P6/條；不過已經好飽，無買。
Puerto Pension 附近的海邊廣場。
間茅屋其實係小型酒吧。
呢間就係全 '公主' 最大的教堂，從酒店 Puerto Pension 步行10-15分鍾就到。
當地都幾窮，間教堂唔知係唔係 '西班牙' 人起？
離開教堂後向市中心方向行約 5分鐘，見倒一間上次在 Bohol Island 食過的 Jo's Chicken，就走入去。
豬骨湯，一早就飲 '豬骨湯' 成日眼光光！
仲有 '椰子雞' 好香甜！。
上次食過的燒雞腿，我覺得燒雞腿 Cebu 的 Jo's 好味D。
我們在公主港出入多數是搭這種 'Taxical'， 可以座4人就像沙甸魚一樣，是當地人的主要交通工具每位P7，但收遊客P10....ok la只差P3！
離開 Puerto Pension 去街市，買D生果之後到另一間酒店check in。
呢間酒店叫 Kawayanan(竹)Resort ，所以很多竹，離市中心就遠D，不過無 Puerti Pension 咁糟；每晚 P1690，一共住三晚；我們的住處，對開有泳池，但當地人比 P50就可以玩全日，所以經常有大量小朋友玩，我地都無用過個泳池。
因為今天無行程所以在酒店餐廳食午飯。
去 Dos Palmas 比之前三個島遠差不多一倍(包船去要 P2400)，所以 Dos Palmas 有專船，而隻船大好多，等到差唔多8:00AM 就開船。
乘船途中的小島，天氣唔錯。
都要成個鐘先至到 Dos Palmas Resort。Dos Palmas Resort 係 '公主港' 最貴的 Resort 要約 P11000-13000 一晚。
Dos Palmas Resort 的碼頭。碼頭內傳出陣陣音樂聲，原來係 Dos Palmas 的職員在碼頭接船。
當到了 Resort 就有一位職員介紹全個島位置同午餐時間。
首先去玩浮潛，但昨日打風落雨，水底能見度得5-6呎，半個鐘就上岸；在外望碼頭的右手邊有獨木舟完，免費；於是再玩獨木舟，點知玩了大約45分鐘，又有一大舊黑雲飄過黎，當時我地其實已經在海中心的浮台上，D職員好緊張地坐架快艇走黎叫我起返上岸，又玩完。
Resort 位於離 Honda Bay 碼頭差不多最遠的地區，所以環境好靚。
泳池邊有個花園，當天有D人在泳池內上潛水堂。
沙灘的另一邊。
午餐時間到，Day Tour 包自助餐，如果唔跟 Local Tour 自已黎，自助餐約 P1500/人。
Resort 餐廳向左邊行，首先經過借浮潛(免費)用具的 Counter ，再直行，有另一個泳池，右手邊有間 SPA Centre，女仕們就去做 SPA，一個半鐘 P1500。
男仕們就玩單車，環島遊，20分鐘玩完，因為泳池只供住客使用，所以無游水！
今晚的晚餐又再到 Kalui 右手邊的 Lotus Garden，其實呢間餐廳係之前幫我地 Book Local Tour 的 Travel Agency 介紹，而我地第一日去到 Kalui 又要等位，在等位其間行出門口無意中發現，不過我都係建議大家去呢間好過 Kalui 多多聲。
2009年11月17日 &18日，Day-5 & 6, 試過昨日的出海經驗，把今天的行程改去 'Undergroup River'(地下河)，在出發前看過一D網友的評論，大部份都設話一般，但都係本住盡管一試的心情出發，包一架 Van 仔 P3500.-。
往 '地下河' 的方向有好多村落，當地人通常搭前面的 'Jeepney'，聽講企位唔使錢。
去到中途有個影相站。
由 '公主港' 去 'Sabang'(去 '地下河' 的碼頭)若兩小時，因正在建公路，所以有一半路程係呢D路。
入去 'Sabang' 區前仲要登記同比入場費。
船程約20分鐘，到 'Sabang' 沙灘。
如果唔係前兩日打風落雨，個沙灘的水應該好清。
由沙灘去 '地下河' 要行6-7分鐘，中途有D差不多 1M幾長 '蟋蜴'好近人，相信無攻擊性。
入'地下河' 要坐船仔，每隻船坐8位旅客及一位船伕，兩人一排，坐頭排的其中一位要幫忙 '打燈'。
'地下河' 全程遊覽部份約40分鐘，全長約 7km 是全世界最長的地下河。
'Sabang' 沙灘上有水牛拉車，好似係一間酒店接客用，沙灘上 '一達達'，係D蟹仔開的孔，本來影了張蟹仔相，可惜太光無放上黎。
Happy Hour 又去返第一晚間酒吧 (叫Central Grill)，今次 Order 呢桶啤酒 3Lit.，P290.-跟住待應會把3枝 1Lit.的啤酒倒落去。
第五日晚餐，係無意中發現呢間 '菲律賓' 餐廳，地點就係近 'NCCC' 的 'Rizal Ave.'的十字路口，門口有個燒烤大煙通 (Cebu Pacific Office 對面)。
石班叫 'Lapu Lapu'，當地人唔識分 石班、東星班或芝麻班，如果要 東星班，就要同佢地講 Lapu Lapu-紅色。
有興趣留意呢個招牌。
第6日早上已經要離開 '巴拉望' 拉，上圖是 '公主港' 機場內的 Immigration Counter，入去前要先登記 Paasport。
Check-In Counter - 這座大樓是新建成的。
'公主港' 機場。
拜拜'菲律賓'，頭尾6日行程，4程飛機，連機場稅燃油附加費等雜費，每人共用約(HK$3500)。
今次因為時間關係不能去 愛尼島(El Nido)，所以決定於 2009年的復活節假期再去。
去愛尼島(El Nido)前將會在農曆新年去Langkwai + KL.
沒有留言:
張貼留言