2009年1月24-25日
'浮羅交怡' 又稱 '蘭卡威'（馬來語：Pulau Langkawi）又譯凌加衛島，位於馬六甲海峽，是馬來西亞吉打州海岸104個大小群島中最大的一個。'浮羅交怡'在檳城北方約112公里處，行政上屬於馬來西亞的吉打州，地理位置上靠近泰國。
'浮羅交怡'於1987年取得免稅港地位，如今島上的經濟以旅遊業為主，是馬來西亞著名旅遊景點之一。
旅遊景點
- 巨鷹廣場（Dataran Lang）
- 瑪蘇麗陵墓（Makam Mahsuri）
- 焦米沙灘（Beras Terbakar）
- 黑沙灘（Pasir Hitam）
- 七仙井（Seven Wells）
- 熱水湖（Air Panas）
- 馬哈迪博物館（Mahathir's Museum）
- 森林圖書館（Book Village）
我們的航班資料：
2009年1月24日，'香港' -- '吉隆陂' (AK77，11:35AM/15:30PM，HK$1026.-)；
2009年1月24日，'吉隆陂' -- '浮羅交怡' (AK6300，18:45PM/19:50PM，RM117.-)；
2009年1月27日，'浮羅交怡' -- '吉隆陂' (AK6307，17:35PM/18:35PM，RM117.-)；
2009年1月31日，'吉隆陂' -- '深圳' (AK80，06:50PM/10:450PM，RM292.50)。
每人機票約費用：HK$2342.-
(訂機票時 '馬幣' 'RM'= 約'HK$2.5' 連信用咭手續費；US$=約HK$7.95。)
我們的住宿資料：
24-26日，Bayview Hotel，雙人房每間每晚=RM180.-，三人房每間每晚=RM260.-。
26-27日，Berjaya Beach SPA Resort，雙人房每間每晚=US$149.-；三人房每間每晚=US$183.-。
27-30日，Tune Hotel-(KL)，共五間雙人房兩晚(每間房每天12小時空調、每間房兩條浴巾=RM678.20)。
30-31日，Tune Hotel-(KL)，共兩間單人房及兩間雙人房一晚約=RM406.-(12小時空調)。
全程每人 (兩人一房計) 住宿費用：HK$1400.-
同遊人：文叔、Becky、Mathew仔、Eric、Pammy、朗賢、朗晴、豹叔、Connie、Grayson葱、Vivian、Jessie、Janice & Jackson。
2009年1月24-25日，Day 1-2：
在出發前的兩日收倒 'Air Asia' 的 SMS 話 AK77 Cancelled，改為 AK71 出發時間為 10:45AM，去到 KL 14:30PM 左右，但去 Langkawi 的 AK6300 又遲了約 30分鐘，令轉機的時間由原本的約三小時變成四個多小時。
AirAsia 坐位是不固定的，先上機先選自已喜歡的位。
Air Asia 好多時由於改時間，會將 Fight No. 都一齊改，原本是 AK77 而家係 AK71。
有否邊位可以話比我知，下面淺色的是什麼。
好大的植樹林。
'KL' 的 'LCCT' 機場。
這個停機砰大部份都是 AirAsia 的機。
'LCCT' 廉價機的停機坪是連接駁車都無，要自已行去 Terminal 取行李及過關。
過道內無空調。
出了抵境大樓轉左行，就是國內機的離境大堂。
右手邊是馬路。
這就是國內機的離境大堂。
離開國際航班後轉左，就是離境大堂。
近門口左手邊有 '麥記'。
國內航班的候機室，在 '馬來西亞' 搭機也是不能帶超過 100ml 的液體，不過可以帶個空樽入內，近洗手間有慮水器，上機前可以先加水，上機買要 RM4.-。
又要飛，每次早晚見到個天都好正。
在 'Langkawi' 機場出海關後，左手面有兩間銀行。
此 Counter 買票坐 的士，回到酒店後己 21:00PM，隨便找了一間小餐廳食了些炒飯炒麵，14人連飲品 RM87.-。
第一、二晚住在 'Kuah Town' 的 'Bayview Hotel'，每晚每房 RM180.-，床好大，有差不多5呎半濶，價錢平好方便，出酒店步行5分鍾範圍內有6-7免稅店(類似香港超級市場)，買野方便，仲好平；左手邊有間 'Plaza Langkawi' 三樓有 Food Court，不過下午三點上去都 Closed。
放下行李走出外面 '備糧水'，出酒店左手邊條街有好幾間 Duty Free。
大部份的店鋪都在 10:00PM 前關門。
終於找到這間地道 '馬拉' 餐廳。
14人食物加飲品共 RM8x.-。
這是 'Bayview Hotel'。
在酒店 12樓的走廊影出去，D平房就係店舖。
在不同角度看出去。
第二日一早7點幾行出酒店附近，出酒店轉右向海邊行有條比較大的馬路，左手方向是 'Eagle Square'，右手方向是 'Cenang Beach' 同機場等地方。
昨晚在機場搭的 '的士Van' RM36.-一架，今日由酒店去 'Eagle Square' 每架 RM9.-，在 '浮羅交怡' 坐的士是以地區及人數計錢的，人數分別是4人以下、5-6人、7-8人及9-10人，同一架車同一地點，不同人數就會不同價錢。
左面就是碼頭廣場，當時大家都未知。
見倒 '神鷹' 條尾，當時我其實去了找船出海。
可惜當天天氣一般。
由 'Kuah Town' 去 'Eagle Square' 約5-6分鐘。
由 'Eagle Square' 向左手邊行5分鐘，就見呢座建築物(叫Jetty)，有好多 Travel Agent，結果報名出海去 'Palau Payar 巴雅島'。
呢渡除報團外仲有好多人問你租唔租車，但多數都要原處租原處還車，所以無租。
問了兩三間，最後在 'Wang Wangi' 落單去 'Langkawi Coral。
票面價成人 RM200.-，小童 RM160.-的 'Corol Island'，最後殺價至 成人 RM130.-，小童 RM120.- ，出發前有網友話 RM90.-，可能係 '農歷新年' 所以貴了些，不過都無報呢個團。
票面價成人 RM240.-，小童 RM200.-的 'Langkawi Corol '，最後殺價至 成人 RM195.-，小童 RM130.- ，如果用水肺潛水的話每人 RM120.-，約20分鐘；'Langkawi Corol' 同 'Corol Island' 的分別有三個。
1. 'Langkawi Corol' 有自已的浮台(可容納3-400人)，浮台是停在最大的珊湖群上，浮台的其中一邊有鋼架可以讓人在鋼架上餵魚； 'Corol Island' 就在沙難側停船。
2. 'Langkawi Corol' 包 Buffet Lunch(好難食，好差！)；'Corol Island' 包 Lunch Pack。
3. 'Langkawi Corol' 有船仔接送去沙灘側的碼頭，一樣可以看餵鯊魚(不一定看倒)。
另外在 'Langkawi Corol' 玩水肺潛水就在浮台直接落水，在 'Corol Island' 就不清楚。
碼頭內有D船去 '泰國南部'。
船程1小時，當天幾大浪。
'Langkawi Coral' 的浮台。
沿住沙灘左手邊條路行就可以去到 'Coral Island'。
對正浮台的沙灘。
浮台向沙灘方向左手邊有個大鋼架，方便餵魚。
呢位可能係當地導遊，仲落水提隻海膽上水。
如果天氣好，水會清好多。
當潛完水返上浮台D食物己經無晒。
當天大浪，所以水不太清，能見度約20-30呎。
有D魚都幾大條，大約1尺。
呢種魚最多, 佢地完全唔驚人.
D魚當我係麵包，係我係麵包咁 '食' 我。
此方向是 'Corol Island' 船的停泊方向同接駁船碼頭。
坐接駁船去碼頭再上沙灘。
餵鯊魚的沙灘(即 Corol Island)。
15:30PM 收起鋼架回程。
回到 'Jetty' 碼頭內有商場。
晚飯本來去 'Wonderland' 食(因有網友介紹)，但去到先知無開，就在 'Wonderland' 左手邊的食店食晚飯，其實包括 'Wonderland' 在內幾間食店似 '大排擋' 多D，店主聲稱他的 '四大天王' 包括龍蝦-RM19.-/100g(急凍)，魚翅每碗 RM10.-，虎蝦 RM16.-/100g(急凍)等，我們全部都無叫，一D都唔平，只係叫D小菜同，埋單 RM15x.-，平、但不值推介；食完飯行路約10分鐘就到酒店，去程時唔知上 Taxi-Van 後，架車轉右行一分鐘就到，丞惠 RM9.-。
可能係 CNY 假期，所以有D店鋪無開門。
大排擋對面有一排平房。
我地幫襯呢間 '同心園'。
大排擋後面山上有間屋，唔知係唔係 '安娜與國王' 外境？
8點幾己經無舖開門。
於 'Kuah Town' 有一間手信店，有好多小手信買，價錢都幾平，如果大家有住 'Kuah Town' 可以去睇睇！
晚上宵夜在酒店樓下食 '蘇餅'、'拉茶'，各 RM4.-。
酒店在上圖左邊近圓圈3的附近，而 'Kuah Town' 側在右下角13,14,15的附近，最出名的 'Cenang Beach' 在島下角7,8約位置；由 'Kuah Town' 坐 Taxi-Van 要成 RM74.- 一架車。
Berjaya SPA Resort 的 Reception。
10點幾己經去到酒店，共訂了4間房但只有一間房Ready，其它房要等；上圖是酒店地圖，Reception 是右邊最大的紅色部份，它的下面是泳池，再下面就是沙灘。
等房時的 welcome drink，等了40分鐘都未得，只有將所有行李放在同一間房，再去坐 Cable Car。
房價雙人房=US$149.-，3人房=US$183.-，3人房其實係加多張床，環境幾好但比較舊。
酒店房都有露台，我們三間房連在一起，其中有兩間房係 Connecting Room，不過房間起在山邊，行李多就唔方便。
露台望出去。
呢種係兩間房的 House。
由酒店行落山約10分鐘，就見倒一個好大的停車場，停車場右手邊有個 'Oriental Garden'，入公園免費，裏面就係 覽車站。
'Oriental Garden' 地圖，內有 Food Court，日式餐廳(12:00PM先至開)。
由左手邊行就會見倒覽車站。
公園中心的水池，右手邊是餐廳、廁所。
黃色屋的左手邊是覽車站售票處及覽車入口，眼見最高的山是覽車的中途站，可以落車行條S型鋼橋；左邊山峰有白色建築物的才是終點，因角度問題，這處才是最高點。
但當去到時發現好多人排隊，所以先去食飯，未夠12點，日式餐廳未開，就去 Food Court。
午餐食炒飯 RM4.5、炒河 RM4.5、咖哩飯 RM6.5，飲品 RM2至RM3.-；食完飯再去買覽車票，每個售票口得4-5人排隊，唔好開心住原來售票處12:00-14:00PM係食飯時間，死未？30幾度又露天無理由等個幾鐘！決定撤退；回酒店游水！
回到酒店，由酒店介紹個租車公司，1架 9人Van 加1架8人車/1日=RM330.-，因為明天搭 17:45PM 的機返 '吉隆陂'，所以要求要車15:00PM 先至到，方便明天用埋出機場程車，未夠鐘就游水，呢個就係酒店泳池，範圍唔大但水很乾淨。
水底下影都幾清。
游完水又收倒車後去 'Cenang Beach'，不過諗住買定明日的覽車票，點知售票處話只能買即日，死多次！維有改為先坐覽車，不過售票處職員都好心提醒，等覽車都要45分鐘，無辦法，照去。覽車票價=成人/RM25.-，小童/RM18.-，買完覽車票等搭覽車，入閘時好似搭飛機咁不能帶水入內；覽車站的排隊情況。
覽車有一段經過山崖差不多成 90度角，都幾危險，見倒前面座山嗎？就係佢！
呢條剛吊橋要在第一站落車。
去到第一站落車由右手邊行，落梯級後就會去到呢條 S型鋼橋，上面風很大，條橋搖搖下。
由第一站出發去第二站。
由第二站睇返第一站。
由山頂的第二站觀景台睇返 S型鋼橋。
條鋼橋起在兩座山之間。
差不多7點先知去到 'Cenang Beach'，趕得切影幾張日落相。
'Cenang Beach' 都幾長，所在位置是沙灘北面。
沙灘上有幾間酒店餐廳，價錢都幾貴，所以去找網友介紹的 '燈籠館'。
由 'Cenang Beach' 外的馬路向南行，去到分支路行右邊，向前行右手邊就見倒 '燈籠館'。
因為有友人腸胃炎，海鮮又不是太平，所以只叫了小菜加條魚，埋單 RM37x.-；回程有女仕想行街，於是兩部車一起回酒店取房，再回來接她們；回酒店程中行錯路，又要搬行李，再返到 'Cenang Beach' 己經12:00AM了，女仕們回有收獲，話同樣的貨比 'Kuah Town' 貴一倍有多，有些小飾物 'Kuah Town' 賣 RM1.-，'Cenang Beach' 要賣 RM6.9。
2009年1月27，Day 4；今日要離開 Langlawi 去 KL，昨日租的車今日要還，但上次去 'Eagle Square' 只係影倒隻鷹的尾，所以決定今日再去。
食完酒店的自助早餐後，走落沙灘行下、Hea下、影下相。
水腳屋唔知幾錢晚？
行近睇，D水無 '菲律賓' 咁清。
不過個沙灘都好正！
行到一半見倒有個大草地，落車影張相。
昨日租的8人車只有1500cc，成車細路都OK啦！沿 '浮羅交怡' 中心的公路行，大約30分鐘就到 'Kuah Town'。
到 'Kuah Town' 已經12點，見到路邊呢間食店幾多人，就決定呢渡。
到比錢先至知，同一間店唔同檔口，係唔同人經營，所以要分開比錢；食品一般，不值推介。
再去到 'Eagle Square' 影相，不過今次又再一次失敗，部相機好多塵。
3點半左右，去到 'Langlawi' 機場，有時間周圍行下，有 ML 同 Airasia 的 Counter。兩部車一共入了50L油，每L=RM1.8，最後多了差不用20L。
由 Airasia Counter 再行前，就係 Arrival 的門口。
原本 17:45PM 的機又遲到，出發時間改為 19:00PM。
到 'KL' 已經 20:00PM。
取行李的對面就有 Book 車出市區。
每部 Van 可坐7-8人，RM138.60。
出口有我地住的 Budget Hotel 的 Demo Room，每晚 RM9.99。
經過足1小時的車程，終於返到入房。
酒店房價係分開計，雙人房房價(2008年5月Book)=RM22.99.-，加12小時冷氣費=RM10.49，毛巾每條=RM5.-(可以用幾日，到Check-out先至還，每條並包一套個人清潔用品)，每日Booking的手續費約=RM8.40，房價加約15%稅；冷氣及手續費加約5%稅，毛巾免稅，但毛巾每條收按金=RM10.-，匙Card按金=RM5.-，退房時取回。
我們訂的組合如下：每房每日12小時冷氣、每房兩條毛巾、頭三晚訂五間房，第四晚訂一間房，合共約RM800.-，(初初以為06:50AM可以唔訓，最後改變初衷，即場加多三間房=RM365.-)。
酒店離 'Monorail 單軌火車' 的 'Medan Tuanku'好近，出酒店門口轉左過馬路，再向前行3分鐘就到；放低行李先去 '茨廠街'，點知去到落雨，改去 'Bukit Bintang'，去到無落雨，走向 'Jalan Alor 亞羅街'(見到 'May Bank' 向前行，下個紅綠燈轉右過馬路，行入內街)。
去到都成10點，大家都肚餓，隨便入一間叫了沙爹=RM0.70、肉骨茶=RM10.-、炒飯=RM15.-、炒河=RM15.-、菜(每碟=RM10.-)等，連飲品=RM274.-(因為新年要加15%小費)；馬拉的炒河、炒麵好 '杰達達' 好難食。
離開 'Jalan Alor' 約 11:20PM，因為 'Monorail' 收 11:5xPM。
2009年1月28日，Day5，昨日舟車努動，所以決定今日行下 KL 的商場。
出酒店門口的右手邊有 KL 地圖。
'Tune Hotel-KL' 好近 '雙子塔'。
'Monorail' 的 'Medan Tuanku' 站，'Monorail' 是按站收費，頭兩個站=RM1.2，第三、四個站=RM1.6，第五、六個站=RM2.-。
第一站-'Berjaya Time Square'，坐4個站 'Monorail' 到 'Imbi' 站，有行人天橋相連。
於商場5樓的 KL 最大的室內機動遊戲中心，10:00AM開，9點幾已經有人排隊，入場要買套票約 RM40/成人，RM3x/小童，小朋友見到個過山車都驚，大人無興趣，所以影張相就去操打 Bowling。
17:00PM 前，成人每局=RM5.-，小童/Student每局=RM3.5，租鞋/買襪 各RM2.-。
在保齡球場則有間 壽司店，竟然夠膽叫-'Sushi King'，一於試下。
壽司一般，但價錢平。
日本蜜瓜雪糕，貴野！
其實除了壽司外，仲有拉麵、飯、鍋物等。
離開 'BerjayaTime Square' 後依照 'x假期' D書仔介紹的 'Sentral Market'，去到 'Monorail' 總站，問下售票大嬸，大嬸竟然話無左成年！唯有去買到 '雲頂' 的巴士票。
呢渡亦有不同的機場巴士公司提供機場巴士服務，價錢由RM8.-起。
有晒時間表，不過大家要留意，巴士的終點站有兩個，一個係 'LRT'=傳統航室公司，另一個係 'LCCT'=廉價航空。
去到先至知原來有 '雲頂' 的套票，正在睇下 Counter 有無人的時候，有一位阿叔過來介紹，問幾句先知原來係 的士司機。
行上去車站大樓的售票大堂，再上一層有 '雲頂' 的售票處。
上到去見到麵包店再轉左。
右手邊就係啦。
套票大小同價，平日=RM42.-，假日=RM47.-，包來回 'KL'-'雲頂覽車站' 的巴士，'覽車站'-'雲頂' 的覽車票，'雲頂' 'Theme Park' 的任玩套票 或 自助餐券；在此買後天的票，但最早只得10:30AM，無辦法，照買。
買完票坐 'Putraune' (地鐵) 去 'KLCC' 站的 '雙子塔'。
在 '雙子塔' 內有兩個 Food Court，2樓西式、4樓馬拉食品，個人覺得4樓的食物好D同平時少食D。
有D蝦好似小朋友的前臂咁大，RM25.-/隻。
壽司店都有，仲好平，晚餐又食壽司。
等埋夜晚影張 '雙子塔' 夜境先至返酒店。
影影下，又開始落雨；'Putraune' (地鐵) 是收11:00PM，如果搭地鐵要注意。
2009年1月29日，Day6，今日Plan了去 'Sunway Lagoon' 同 '茨廠街 China Town'；約了27日在機場搭佢架車個司機08:30AM，在酒店接我地去 'Sunway Lagoon'，但等到 08:45AM都未到，就叫酒店代Call 佢，到09:20AM先至有車黎，仲係得一部，原本每部車RM70.-，變成RM80.-(因為得一部車)，都無辦法，照去。
去到 'Sunway Lagoon' 未夠 10點，開門前有人表演。
由酒店去 'Sunway Lagoon' 車程30分鐘，個司機見有13人(有一位大人自已去行公司)，初初要收 RM100.-，議價後 RM80.-成交；去到門口有不同的 Package，1個Park 大人/RM45.-，小童/RM30.-；兩個Park 大人/RM60.-，小童/RM45.-；5個Park 大人/RM90.-，小童/RM75.-；入 'Water World' 最少都要買兩個Park 己至得，因為 'Water World' 有兩 Part 連在一起；另入場要比 RM10.-按金，離場時有職員叫你以條手帶換手錶。唔換就在售票處退回按金(Counter 4)。
'Water World' 第一站--滑水梯，如果玩滑水梯有專用免費水泡。
租了水泡在此有用。
水池邊有水道，水道會經過瀑布。
池邊有個大水桶照頭淋，獎門人都拍過幾次。
行上吊橋頂想玩飛索，怎知門票要買 'ExthemePark' 先至可以玩，唯有影張相，相機連住防水相，所以有水漬。
'依斯蘭教' 的女裝泳衣。
另一個小型滑水梯。
360度 '海盜船'連環拍，門票包埋，但無玩。玩到3點幾回程，本來約好今早的司機收RM80.-回酒店，點知過了20分鐘都唔見人，連行出外面都唔見人同車；外面有的士站同售票亭，返酒店每部的士=RM21.-，三部車=RM62.-，仲平過搭Van！
5點幾再出發去 '茨廠街' 一入去就見倒另一間 Budget Hotel='Orange'。
樓下有兩間找換店，兩間的 Rate 不同。
突然又落雨，走入大排檔食麵，雜錦麵=RM5.5。
义燒及雞麵=RM4.-。
果汁=RM2.5。
呢渡D '肉骨茶' 好食過 '亞羅街'。
格離檯有靚太。
大枝啤酒=RM15.-，好貴，'浮羅交怡' 每技=RM4/5.-。
行行下去到 'Sentral Market'，原來之前個大嬸話錯比我地聽，要幫 'x假期' 平反。
'Sentral Market' 賣的貨是遊客價，影相OK，買就無必要！
不過呢間叫 'S&J'，價錢OK，它在 'N+Berjaya Time Square' 3樓都有一間，行完返酒店休息。
2009年1月30日，Day7-8，因為明日是早機的關係，所以今日是最後一日在 KL了；今日會去 'Genting 雲頂'，順便以用餘下的馬幣一試運氣。
8點半左右離開酒店搭 'Monorail' 去 'KL Sentral' ，諗住去到先至食早餐，時間安排好D；一出 'Monorail' 站諗起唔夠錢，而左手邊有一間銀行，但09:15AM先至開門，所以部份人就在站側的 '馬拉式茶檔' 食早餐，部份人就去 'KL Sentral' 商場食；馬拉式印度薄餅每件=RM1.-，拉茶=RM2.-。等到銀行開門先知只收US$，不收HK$，好彩有US$。
由 KL 坐車到 '雲頂' 的覽車站要1小時，落車會見到呢個長途車站售票處及候車處，轉左的窗口是去 KL 等地區。
車費超平。提醒大家，巴士停車站在 B4，覽車站在 3/F。
排隊坐覽車等了45分鐘，有財神，其實排緊隊的人先至係 '財神'。
覽車坐15分鐘就到。
上到 '雲頂' 其實有好多銀行，真笨睹場又點會無錢換。
D餅做得幾好，可惜未餓。
'雲頂' 好大霧。
由覽車站行到 'Theme Park' 都要15分鐘。
樂園內的機動遊戲全部免費。
回程又落雨。
落到山又有一些手信店，買了些肉鬃，RM6.5/100g。
去 'KL' 的候車處在 NO2.。
返到 'KL' 再去 'KLCC' 站的 '雙子塔'，因為4樓除了 food Court 外，另一邊全部都是比較高級的食店，晚餐就在 'Madam Kwan'，其實兩日前黎過，不過當天是年初三，無開。
食物各人口味不同，很難推介；個人覺得好食，埋單=RM36x，全程最低呢餐！
終於要回程，在此不得不提醒大家， 'LCCT' 的'Airasia' 的國際航班是在 'S1 & S2'閘口離境的，但千萬記住先去 '洗手間'，因為全個 '候機室' 都無 '洗手間'，如果人有三急，閣下自理！另外此 '候機室' 除了煙酒(仲係烈酒)外，沒有其它東西買，如果想買手信請入閘前好買定！
上機買枝綠茶飲=RM5.-，再睇睇，成10%係糖份！
在 '雲頂' 角子玩虎機，贏了 RM200.-，餘下的馬幣。
架機先經過 '香港' 上空，中間偏右的可能是 '深圳河'。
去到 '深圳' 上空，空氣明顯差D。
終於安全降落，在過關時先至發覺 '回鄉証' 已經過了10年的使用期，在機場等了一個多小時，'國旅'的職員終於食完午飯回來，乖乖地把由 '角子玩虎機' 贏來的 RM200.-(=HK440.-)，交給祖國作為 '單次入境費'(RMB400.-)。
全文完，日後可能再加相！
下一站 ----- 14-15 Mar 09菲律賓CEBU...(忘憂島-CAOHAGAN ISLAND) 島主是一位日本人。
沒有留言:
張貼留言