原本的飛機 Booking 是飛 'Caticlan'，但出發前兩個月左右才知道 'Cebu Pacific Airline' 暫停飛 'Caticlan'，要改 Booking 至 'Kalibo'，去 '長灘島' 的碼頭就在 'Caticlan'，由 'Kalibo' 去約 70km 距離，'Cebu Pacific Airline' 包了這個半鐘車程的 Shuttle-Van。
同道中人：Moon、MeiLing、Wallace、Sam、Eva、Katherine、Ronald、Vivian & 小弟。
Exchange Rate：US$1/Peso 46.80。
Day-1&2，2009年09月30日，搭上 21:55PM 開出的 5J239 HKG-MNL 的尾班機，到達 'Manila' 己經是 2009年10月1日 的 00:00AM；今日除了是小弟第一次踏上 '長灘島' 外，更是國慶 60週年，未能睇倒國慶典禮亦有點可惜；而 'Manila' 方面乜因為 'H1N1-豬型流感' 大家都要在入境時填寫 '健康申報表'，取過行李後己經差不多 01:00AM，原本的 Booking 飛 'Caticlan' 是 05:45AM，但改飛 'Kalibo' 後，最早的班機是 07:40AM，最後停了差不多三個多小時才能 Check-In。
到達酒店已經差不多 12:00PM，只得一間房，唯有先放下行李，再去搵食。
晚上在等機時是行程的第一餐，入機場候機室是第三餐 ，'長灘島' 的 'Jammer's' 漢堡包店食漢堡包，是我們的第三餐，價錢略貴(Monster Burger=180P)但味道幾好，位置在 'D'Mall' 入口。
呢餐=3190Pesos。
午飯後回 'Boracay Regency' Check-In、游水。間房都幾大、又企理，HK$7xx.-，合理。
酒店有三個泳池，不過最後都係試咗兩個，太忙！
一行人去酒店嘅 SPA，Check 吓價，90分鐘大約=14xx-17xxPesos/大房價，Book 定 21:00PM。
5點左右去了 'D Talipapa' 買了 2kgs虎蝦、3kgs蟹、1kg線貝共=2750Pesos，在傍邊的餐廳代煮，連飲品、小菜=1881Pesos；海鮮質素不差，尤其蟹相當新鮮，但煮的味道較濃。
第二站係於 '長灘島' 的右上角的海域釣魚，先前於 'D Talipapa' 用咗 20Pesos 買咗D蝦肉用嚟釣魚，小弟好快就釣倒條魚，但拉上嚟一睇，係一條 4、5吋長嘅珊瑚魚，就即刻解鈎放返佢落海，跟住船家又釣倒條魚海葵魚(新娘魚)，都係叫佢放返落海，之後船家釣倒嘅都係珊瑚魚，仲話要嚟食，咁我地就叫佢地去第三站--- 'Crocodile Island'。
可能係颱風關係，海面上得 4、5隻船，嚟 '長灘島' 之前無對呢渡嘅浮潛有太大期望；呢渡珊瑚幾多，但唔及 '巴拉望'，而魚就好多，可能之前隻手麼過D蝦，一落水有好多神仙魚游埋嚟，而D 神仙魚仲食麵包添，以前去幾個地方浮潛D 神仙魚都唔食麵包，又幾好喎，不過呢渡玩浮潛每人要比 20Pesos 保育費！
約 17:00PM 回程，又係因為颱風關係，正灘不能上落船，要係背後的副灘上船，要搭 'Tricycle' 回酒店，每車 3人=150Pesos。
2009年10月3日，星期六，因為昨日天陰陰浮潛時雖然多魚仔，但一場嚟到價錢又平，就出多次海，如果天氣轉壞就當遊船河。
玩到 12點幾就上船去附近小島食午餐，上島餐每人=70Pesos，有枱有餐具提供，燒烤炭共收=40Pesos，連買魚蝦蟹及調味料共=2506Peso。
回程 2點幾，突然諗起玩 'ATV'，原來 'ATV' 站就於落船位側，玩 1小時/100cc 車，每人=500Pesos。
玩完返酒店沖洗，晚餐於酒店沙灘出口的 'Cafe Christina'，味道好、環境正、價錢同昨晚的差不多，但超飽，合共=5850Pesos/9人。
食完飯大家又去 'Kai' 幫襯，因為係酒店住客，上次 95折，今次因為 Sam 爭取下，全部 9折。今次部有一半時間係昏迷！
2009年10月4日，星期日，經過幾日的假期，今日終於要離開，但 '長灘島' 的印像不錯，出發前好多人話呢渡比較商業化，其實去旅行最重要係心情、心境。
於 '長灘島' 上落接駁船有好多 'Porter' 幫你攞行李，每次都話收 20Pesos，小弟通常遠小小就比每件 20Pesos，近的就比 10Pesos。
經過 70-80分鐘車程就到 'Kalibo' 機埸，Check-In 後在機埸出面間餐廳食午餐，準備一到 'Manila' 又可以去 'SM Mall of Aisa'。
第一日每人夾 5000Pesos，到達 'Manila' 後，每人退回 200Pesos，但機埸稅 750Pesos 自付，即每人食、玩使費=5500Pesos。
食飽就行下附近嘅手信店，行下沙灘。
話咁快又 8點幾，快快去 SPA。
'Regency' 內嘅 'Kai' 做咗個 90分鐘嘅 SPA，每位承惠 1,766Pesos，昨晚無訓，只係在內陸機上訓咗 1個鐘，所以小弟的第一次就在全昏迷的情況下付出。
09:30AM，約咗昨日的一個 Local，點知唔見人，就決定先坐 'Tricycle' 去 'Mt.Hulo' 睇吓先至決定，但一出酒店門口又見佢喺渡，仲話喺渡等我地，佢話另一邊沙灘無落雨，可以出海，小心起見，先坐 'Tricycle' 去 'Mt.Hulo' 睇吓先至決定，三人一部 'Tricycle' 每部=200Pesos/來回。
在沙灘邊有不少的人問你去唔去玩 '浮潛'、'ATV'、'風帆' 等，佢地大都份人都攞住張 5R 左右大張過咗膠的地圖，Sale 你去玩，價錢就唔好信印喺唔紙嗰個啦，問多幾個好D。
上到山每人先 Pay 50Pesos，就可以上觀景台，雖然天陰，但無落雨，加上風向關係，亦唔大浪，所以大家決定下午出海。
船費每人=250Pesos，共2,250Pesos，即係大約每人=HK$42.-。
第一站個浮潛點唔記得個名，於 '長灘島' 的左上角，珊瑚一般，魚不多細條，仲見倒有條水蛇，唔知有無毒，所以即刻游開D。
約 18:15PM 因為房內夾萬鎖唔倒，叫人修理順便問佢邊渡食 Pizza 同 Pasta 好，佢話 'Cafe Christina'，仲話方向係沙灘轉右，行出酒店沙灘嘅出口，向右邊 Pier 1 方向行到無燈都揾唔倒，最後去咗間小型酒店附屬餐廳，食食吓落大雨，大到 D雨水將酒店泳池都注滿，漏埋出嚟，呢餐埋單=5080Pesos / 9人；因為唔想阻住大家食野，所以無留影。
Day 4：出海出先去 'D Talipapa' 買海鮮同調味料等，坐 'Tricycle' 每車都係 30Pesos。
今日出海話比船家知只去 'Crocodile Island'，去到約 10點幾，成個海面都係船，可能係好天關係，D人好多都玩浮潛，雖然好天但水流都幾急，個船家就放條繩落海比我地拉住喂魚仔。
明天返家，早 D起身留影幾張。
Day 5：一早 5點 Moring Call，同 '遊遊雲' 出到沙灘己經 5點半，向 Pier1 方向行 30分鐘就到 '聖母石'，影幾張相又行返酒店食早餐，食完早餐 8點離開酒店。
費用：
機票---HKG-MNL-HKG = HK$600.-/人，
MNL-Kalibo-MNL = HK$250.-/人，
酒店---Boracay Regeny = HK$2250.-/ 3晚 / 2人，
酒店接送---850Pesos (HK$141.-)/人，
食、玩、小費、機埸稅---5500Pesos (HK$916.-)/人。
SPA=3000Pesos(HK$500.-)/ 兩次 /人。
每人共=HK$3532.-/人。
相關資料：
機場稅---HKG-MNL 機票內己包，MNL-Kalibo=200Pesos，Kalibo-MNL=20Pesos，MNK-HKG=750Pesos。
酒店---Boracay Regeny Beach Resort，www.boracayregency.com，Tel: (63)(33) 3361441 / 3377901，M: 0917-3025-945，Fax: (63)(33)3361441，e-mail:main@boracayregency.com，入數 A/C Allied Bank，1401 009 872。
後記：這次因颱風的關係，全程全個 '長灘島' 正灘都有 D 竹架加上膠布圍住，加上天氣唔好，睇唔倒日落，但整體對她的留像不錯，所以有機會可以再嚟多次。
下一站：10月24日，向 '神山' 出發。
沒有留言:
張貼留言